«Н.К.Крупская атындағы №10 орта мектеп» оқушылары арасында жерлес ақындарымыздың өлеңдерін мәнерлеп оқу сайысы өтті. Бұл сайысқа 6-сынып оқушылары жерлес ақынымыз Мағжан Жұмабаевтың әр тақырыптағы өлеңдерін дайындады.
Бұл іс-шараның мақсаты Мағжанның өмірі мен шығармашылығын қалың халық арасында насихаттау.
Алаш қозғалысының қайраткері, ақын, қазақ әдебиетінің жарық жұлдызы Мағжан Жұмабаев Бекенұлы - Мағжан (Әбілмағжан) Бекенұлы 1893 жылы 25 маусымда Солтүстік Қазақстан облысы, қазіргі Мағжан Жұмабай ауданы, Сасықкөл жағасында дүниеге келген. Ақынның әртүрлі тақырыпқа арнаған өлеңдері, соның ішінде туған жердің табиғатын тамашалап, кіндік қаны тамған нулы, сулы өлкесін жырлаған “Туған жерім – Сасықкөл” өлеңі, ақын Ұлы Абай поэзиясының өшпес маңызын бірден танып, оны “хакім” деп атаған «Атақты ақын - сөзі алтын хакім Абайға» арнауы, қазақ халқының отаршылдыққа қарсы күресін асқақ рухпен жырлаған “Түркістан” өлеңін, жас ұрпаққа рухани күш беріп, қазіргі таңда өмірлік ұранға айналған "Мен жастарға сенемін" атты өлеңін аса патриоттық сезіммен нақышына келтіріп оқыған балалар тыңдаушы қауымның ризашылығына бөленетіні сөзсіз.
