Қазақстан халқы Ассамблеясының бастамасымен 2022 жылғы 7 қыркүйекте қазақтың біртуар тұлғасы А.Байтұрсынұлының 150 жылдық мерейтойына арналған жалпықазақстандық ашық диктант өтті. Диктанттың тақырыбы – «Ахмет Байтұрсынұлы – дәуірдің дара тұлғасы».
Аталмыш шараны ұйымдастырудың мақсаты - этносаралық қатынас тілі ретінде мемлекеттік тілдің қолданылу аясын кеңейту арқылы қазақстандық бірегейлікті қалыптастыру, қоғамдық келісім мен ел бірлігін нығайту. Шараның міндеттері - мемлекеттік тілдің рөлін нығайту, қатысушыларға қазақ тілін білу және сауатты жазу деңгейін тексеруге мүмкіндік беру, сауатты қоғам болудың маңыздылығына назар аударту. Диктант жазуға мектебіміздің 53 оқушысы қатысты. Мұндай шаралардың маңыздылығы өте жоғары себебі оқушылар аталмыш шараның ауқымдылығын сезініп қана қоймай, маңыздылығын жете түсінеді.
